Die doel van die program is om die student te leer om met die regte vingers die regte sleutels te druk, en hierdie vaardigheid wat aangeleer word, dan sodanig in te oefen dat die student dit met selfvertroue kan toepas. Die inoefening vind plaas saam met die aanleer van die sleutels. Die gedagte is dus dat die student na voltooiing van die kursus met selfvertroue kan tik sonder om op die toetsbord te kyk. Hoe meer daar met die program geoefen word, hoe vinniger sal daar getik kan word. Die program het dan ook 'n funksie in waar die student mikpunte vir hom/haarself kan stel in terme van % akkuraatheid sowel as tikspoed. Die program het dan ook 'n toetsafdeling waar die akkuraatheid en tikspoed gemeet word en dit dan vergelyk word met die mikpunte wat die student vir hom/haarself gestel het. Met baie min moeite kan die inhoud wat getik moet word ook self bygewerk word. Dit beteken dus dat indien daar sekere gedeeltes uit 'n handboek is wat geleer moet word, kan daardie werk self in die program ingevoeg word, om dan mee te oefen.