Wat is Practica?

Practica bied meer as 4000 ouderdomstoepaslike speletjies en aktiwiteite vir kinders vanaf voorgeboorte tot 7 jaar. Die speletjies en aktiwiteite fokus spesifiek op die gebalanseerde ontwikkeling van al 50 skoolgereedheidsvaardighede. Terselfdertyd verskaf dit onbeperkte pret vir daardie tye wat julle as gesin saam deurbring.

Dit is een van die mees omvattendste opvoedkundige programme in Suid-Afrika en is beskikbaar in Engels en Afrikaans.

Waaruit bestaan Practica?

Ouerhandleiding	Stel van 22 gespesialiseerde opvoedkundige apparate
Hierdie gebruikersvriendelike handleiding word benut vanaf voorgeboorte tot 7 jarige ouderdom. Dit is die essensie van die Practica program en bevat 4000 gereed-om-te -speel speletjies. Al wat jy as ouer moet doen is om te blaai na die gedeelte wat betrekking het op jou kind se ouerdom. En dan is dit 'op julle merke, gereed, speel...!' Die aktiwiteite word op 'n praktiese en verstaanbare wyse beskryf. Met elke aktiwiteit weet jy as ouer presies watter vaardigheid geoefen en ontwikkel word.	Die hele stel is verpak in 'n aantreklike, duursame hout speelkis (ongeveer 81x32x44cm). Die apparate is van hoogstaande gehalte en is verpak in duursame individuele houtboksies en plastiek bottels. Baie van die items en AL die kaarte is uniek to Practica en kan nêrens anders bekom word nie. Alle kaarte is gelamineer om te verhoed dat dit skeur of vuil word. Die aktiwiteite in die ouerhandleiding maak gebruik van al die apparate oor die hele 7 jaar tydperk wat Practica benut word. Jy kry dus maksimum waarde vir jou geld en is verseker van die gebalanseerde ontwikkeling van jou kind - iets wat moeilik bereik kan word deur losstaande speelgoed te koop.
Practica adviesdiens	Practica nuusbrief
'n Gratis telefoniese adviesdiens is beskikbaar vir Practica-ouers.	'n Jaarlikse nuusbrief word uitgestuur aan ouers om hulle op hoogte te hou van enige nuwe ontwikkelings in die veld van opvoeding in die vormingsjare.

Vaardigheidsareas wat Practica aanspreek

*Perseptueel*	*Motories*	*Taal*	*Intellektueel*
*Artisties*	*Sosiaal*	*Emosioneel*	*Wiskundig*

'n Mens ontwikkel 50 basiese vaardighede vanaf geboorte tot 7 jaar. Hierdie vaardighede is interafhanklik en 'n swakheid in enige een van hierdie areas sal die ander areas ook negatief beïnvloed. So byvoorbeeld kan onderontwikkelde visuele persepsie lei tot leesprobleme wat kan manifesteer as leerprobleme, selfs by 'n kind wat eintlik hoogs intelligent is.

Dit beteken dat ouers doelbewus vir hulle kinders die geleentheid moet gee om al die vaardighede the ontwikkel wat hulle gaan benodig wanneer hulle die dag skool toe gaan. Alhoewel ouers gewoonlik maklik inligting kan bekom oor die mylpale wat hulle kinders moet bereik, is hulle dikwels onseker oor hoe hierdie mylpale bereik moet word en wanneer die regte tyd en korrekte volgorde daarvan is. In hierdie opsig is Practica onmisbaar.

Die aktiwiteite en speletjies in die handleiding is gebaseer op een-tot-een aktiwiteite soos gebruik deur terapeute. Aangesien die aktiwiteite slegs 'n paar minute per dag in beslag neem, is Practica van onskatbare waarde vir die werkende ouer wat nie veel tyd tot sy beskikking het nie.

'n Maklike kruisverwysingssisteem maak dit vir die ouer moontlik om aktiwiteite te kies wat meer of minder ingewikkeld is (na gelang van sy kind se individuele behoeftes). Die feit dat die program in sy geheel onmiddelik tot die ouer se beskikking is, stel jou as ouer in staat om jou kind se potensiaal te akkommodeer aangesien jy byvoorbeeld kan aanbeweeg na aktiwiteite wat eintlik voorgeskryf is vir ouer kinders indien jou kind reeds die aktiwiteite op sy vlak bemeester het. Die teendeel is ook waar. Wanneer probleem areas geïdentifiseer word, kan jy terugbeweeg na vorige ouderdomsgroepe.

Hierdie program help jou dus om betyds probleemareas te identifiseer en te oorkom - nog lank voor jou kind skoolgaande ouderdom bereik. Jy as ouer word dus in staat gestel om jou kind se algehele ontwikkeling te monitor en seker te maak dat geen areas agterweë bly nie. Dit is veral waardevol waar ons as ouers soms selfs sukkel met sekere onderontwikkelde areas, bv. Wiskunde, lees of sport aktiwiteite.

‘n Kenner se terugvoer oor Practica

Wyle Dr Johan van Niekerk, 'n Opvoedkundige Sielkundige met meer as 33 jaar se ondervinding in die veld, was 23 jaar lank verbonde aan die Onderwysdepartement se Kinderleidingkliniek en het die volgende te sê gehad oor Practica en die stimulasie van kinders:

"Sedert 1995 is dit my voorreg om honderde kinders wat met die Practica Program gestimuleer is, te evalueer.

Evaluasies word gedoen met 'n battery toetse wat die volgende insluit:

'n Algemene aanleg en ontwikkelingstoets
'n Visueel-persepsuele toets
'n Motoriese ontwikkelingstoets
Taalvaardigheids-evaluering
Emosionele ontwikkeling.

Die 'Practica-kind' reageer oor die algemeen baie anders op die toetsing as die kinders wat ek voorheen as Opvoedkundige Sielkundige in diens van die Onderwysdepartement en in my privaatpraktyk getoets het. Onderstaande is van my waarnemings:

Die 'Practica-kind' is meer selfstandig en meer volwasse vir sy ouderdom. Hy is egter nie voor-op-die-wa of aandagsoekerig nie. Hy het net eenvoudig 'n selfversekerdheid wat 'n kind wat veel ouer as hy is, gewoonlik het.Sy redeneervermoë en begripsvermoë is vèr bo die van sy portuurgroep ontwikkel. Hy gee m.a.w. nie net die regte antwoorde op vrae nie, maar die kwaliteit van sy antwoorde is van hoë gehalte. Dit wys op 'n insig wat mens van 'n ouer kind verwag.
Opvoedkundige Sielkundiges evalueer deur die loop van die jaar kinders met baie hoë IK's, die met bo-gemiddelde, gemiddelde en onder-gemiddelde IK's. Ek het in die 9 jaar wat ek vir Practica toetsings doen, nog nooit 'n kind wat behoorlik met die Program gestimuleer is, getoets wat 'n onder-gemiddelde IK het nie. Ek toets selde in kind met 'n gemiddelde IK. Bykans al die kinders toets BO-GEMIDDELD of BAIE HOOG!
Meeste van die kinders wat gemiddeld toets se ouers erken gewoonlik ook aan my dat hulle die Program min toepas.
Daar kom veral 2 eienskappe van die 'Practica-kind' tydens toetsing besonder duidelik na vore: hul besonderse EMOSIONELE ONTWIKKELING en hul inisiatief en kreatiwiteit. Die ma's kan gewoonlik nie uitgepraat raak oor die vindingrykheid van die kinders nie. Hulle doen dinge op hul eie en vra nie maklik die vraag: "Ma, wat kan ek doen?" nie.
'n Interessante laaste punt - wanneer ek 'n kind toets, kan ek baie duidelik sien of die kind WEL met die Program gestimuleer is of nie! Natuurlik doen ek dit deur bloot na die kind se reaksies soos hierbo beskryf, te kyk. Dit verbaas ouers altyd dat ek so "heldersiende" is. Ek hoop egter dit motiveer hulle om hul kinders wèl te stimuleer!"

Belangrike ontwikkelingsperiodes

Het jy geweet dat elke kind se brein deur sekere voorspelbare ontwikkelingsfases gaan? Weet jy as ouer wanneer hierdie fases plaasvind en hoe om jou kind gedurende hierdie tydperk toepaslik vanuit ‘n opvoedkundige oogpunt te stimuleer? Practica doen die dinkwerk vir jou en laat jou toe om jou kind te geniet.

Kritiese ontwikkelingsperiodes tydens die 1^e tien lewensjare
Visie	Taal / Spraak	Moedertaal	Emosionele ontwik-keling	Wiskundige & Logiese redenasie	Musiek
0-6 maande	0-3 jaar	0-5 jaar	0-18 maande	1-4 jaar	3-10 jaar
As 'n kind geen visie gedurende hierdie tydperk het nie (bv. a.g.v 'n katarak oor die pupil van die oog) sal die kind se visie nooit normaal ontwikkel nie - selfs al word die katarak na afloop van hierdie vensterperiode verwyder. Wenk: Dit is dan ook waarom helder, bewegende speelgoed gedurende hierdie tydperk so noodsaaklik is.	'n Volwassene se woordeskat word grootliks bepaal deur die spraak wat hy hoor gedurende die eerste 3 jaar van sy lewe. Wenk: Moet nie babataal met jou baba praat nie!	As die breinselver-bindings wat benodig word om 'n vreemde taal te praat nie teen die ouderdom van 5 jaar ontwikkel is nie, sal die kind sy vermoeë om dié betrokke taal sonder 'n aksent te praat, grootliks verloor. Wenk: Stel jou kind in die vroeë jare soveel moontlik aan verskillende tale bloot. Dit sal hom/haar beslis nie verwar nie. Dit is egter belangrik dat die taal korrek gepraat word.	'n Rustige en veilige omgewing help om breinselver-bindings te bou wat emosionele stabiliteit bevorder. Wenk: Emosionele krisisse gedurende hierdie tydperk, kan in die toekoms 'n nadelige effek op die kind hê.Probeer dus om in hierdie tydperk emosionele ontwrigting so ver moontlik te vermy.	Blootstelling aan die verskil in konsepte soos min/ baie/ lig/ swaar en dies meer, vorm die boustene van logika en wiskundige redenasie.	Daar blyk 'n korrelasie te wees tussen die vorming van neurologiese verbindings in die brein wat ontstaan a.g.v blootstelling aan klassieke musiek en dié gedeelte in die brein wat betrokke is by insig in ruimtelike vaardighede en wiskunde. Wenk: Stel jou kind van vroeg af bloot aan klassieke musiek.

Terugvoer deur Practica-ouers

“Ek gebruik Practica 'n jaar lank met my dogtertjie van 18 maande. Ek was nog geen oomblik spyt dat ek die kapitale uitleg aangegaan het nie, aangesien elke ouer vir sy kind 'n voorsprong in die lewe wil gee en dit is presies wat Practica doen. M.b.v Practica kan ek regtig by elke ontwikkelingsfase van Jané intens betrokke wees. Die handleiding is prakties en deeglik uiteengesit sodat dit vir 'n leek werklik die geleentheid gee om sy of haar kind se potensiaal ten volle te ontwikkel. Dit is heerlik om te weet op watter ontwikkelingsstadium jou kind op 'n spesifieke ouderdom behoort te wees en ook die geleentheid wat dit bied om dit te monitor.” Christine

“As a personal user of the Practica Programme, I have seen how my children have developed through this programme. We have a family programme which is as important as my public office life. The little time I have spent with my family is of real quality. Thanks to Practica for providing such a much needed service.” Councillor Makhosi Khoza (Deputy Mayor)

“.... Geluk ook met die puik program: dit getuig van goeie en deeglike beplanning en voorbereiding. Die kind word beslis tydens elke ontwikkelingsfase aktief betrek met die reeks aktiwiteite wat voorgestel word. Die handleiding is onoortreflik en al die kruisverwysings maak die gebruik daarvan werklik vir elke ouer moontlik.Dankie vir julle vriendelike inligtingsdiens - die personeel is almal so vriendelik en behulpsaam dat my en Ewald se besoek by julle meer soos 'n kuiertjie saam met ou vriende gevoel het.” Leanie Taljaard

“Ek het van Practica en u navrosing in Sarie se Moederskap gelees. Hier by ISKEMUS, die inligtingsentrum vir Kinderlektuur en -Media van die Universiteit van Stellenbosch, ontvang ek dosyne, nee honderde navrae per jaar oor perseptuele ontwikkeling en skoolgereedheid. Ek dink dat Practica talle navrae bevredigend kan oplos en ek sal u apparaat met plesier aanbeveel en promoveer.” Mev M C Le Roux

“Ons is die bevoorregte ouers van 'n 2 1/2 jarige dogtertjie wat ver bo haar ouderdomsgroep presteer. Sy is op 4 dae aan ons gegee nadat ons vir 3 jaar op 'n aanneming gewag het.Ons het op 'n maand met Practica beginj en u sal nie glo hoe vinnig sy daarop gereageer het nie. Sy was 'n prematuur baba en is nie tydens die swangerskap gestimuleer nie. Maar met behulp van Practica is alle probleme oorkom...As 'n ma kan ek nie genoeg dankie sê vir Practica nie. Die band wat daar tussen ons twee bestaan is onbeskryflik en ons kind het 'n liefde vir boeke en is baie leergierig. Sy kan al ongeveer 20 woorde van die Practica leesprogram lees en dit is verbasend hoe positief en gelukkig sy is...” Mev Amanda Marais

“Our son was born 3 months prematurely, weighing a mere 0,92kg. My husband and I both work full-time and we were determined that the time we'd spend with him would be quality time. We read an article about Johan van Dyk (a researcher involved in the development of the Practica programme) and the progress he'd achieved with his own children...We followed Johan's advice and were amazed to see rapid results. Now, only 2 years and eight months old, Anton-Pierre already knows the alphabet and is able to associate the letters with objects. He also reads 13 words and is currently learning to read sentences...” Joye Swart

Wat Practica NIE is nie.

Practica is NIE 'n formele leerprogram nie. Kinders word aangemoedig om op hulle eie tyd speletjies te speel, teen 'n tempo wat hulle pas. Die groot verskeidenheid aktiwiteite verseker dat al die ontwikkelingsareas aangespreek word, sonder enige druk!

Spesialisite uit alle areas van kinderontwikkeling was betrokke by die samestelling en ontwikkeling van Practica se ouerhandleiding en apparate. Opvoedkundige sielkundiges, spraak- en arbeidsterapeute asook remediërende en voorskoolonderwysers het bygedra en gehelp met die koordinering van die aktiwiteite.

Kontak Ons

Kontak ons gerus vir meer inligting hieromtrent. Indien u in die Gauteng-area woonagtig, kan u ons ook kontak vir 'n gratis demonstrasie van die produk.

Steeds onseker? Skakel ons vir advies!